الموضوع ده قررت اتكلم فيه بالعامية المصرية لانه مش جاي معايا عربية فصحى الصراحة وعشان مطولش عليك ندخل في الموضوع.....،
خلينا نشرح الكاتيل ومكوناته وتاريخه
الكاتيل عبارة عن تيار كهربي بيمر في سلك مقاومته عاليه وهو عبارة عن Ni-Chrome اللي بيكون موجود في اسفل الكاتيل ودة خليط من 80%Nickel و 20%chrome واللي بيميز السلك ده انه بيسخن بسرعة .
اول كاتيل اتعمل كان سنة 1891 وكانت بتاخد ١٢ دقيقه عشان تسخن الماء لحد ١٩٢٢ لما جه ارثر ليزلي اللي اخترع الكاتيل اللي بتسخن بسرعة تستهلك طاقة اقل
ازاي تشتري كاتيل صحي
،،الكاتيل الاستلس احسن من البلاستيك لان البلاستيك ممكن يكون مصنوع من BAP,PHTHALATE اللي لو اتسربو في الماء هيحصل مشاكل زي مشاكل في الغده ،مشاكل في النمو عند الاطفال،الخصوبة ،وغيرهم
دا غير ان طعم الماء بيتغير وبتشم ريحة بلاستيك
،،السلك ما يكونش باين وملامس الماء لان مع الوقت النيكل والكروم هيطلع في الماء وبالتالي يستحسن يكون سلك التسخين يكون متغطي بسطح من الاستلس،
،،يكون فيه فلتر ودا اللي بيشيل الاملاح والشوائب اللي في الماء
النقطه الاهم وهى هل الكاتيل، ،الغلاية،، بيسبب سرطان ؟؟
والاجابة لا مفيش بحث حتي الان يثبت الكلام ده دا بالعكس صحي لو التزمت بالكلام اللي فوق
ازاي بيفصل تلقائيا عند غليان الماء ؟؟
..في جزء في الكاتيل اسمه ثنائي الفلز يعني ٢ فلز مع بعض ولما بيسخنو بيتمددو بنسب مختلفة يعني واحد قصير وواحد طويل وبالتالي مع التسخين هينتنو والكاتيل يفصل
منين بيجي التسخين ؟؟
عند غليان الماء وطبعا بيكون الغطاء مقفول في انبوب صغير بيدخل فيه الهوا الساخن بسسبب ضغط البخار ف يوصل للفلز الثنائي وبكده نتأكد ان الكاتيل مش هيفصل غير لما الماء يغلي
يعني لو الغطاء مفتوح والهوا الساخن طلع في الهوا مدخلش في الانبوب الكاتيل مش هيفصل
وفي النهاية متنساش تبص ع المقالات اللي فاتت و تستنى المقالات اللي جاية وتشترك في الموقع عشان يوصلك كل جديد وبس كده...،،
ليست هناك تعليقات
إرسال تعليق